ਕੇਜਰੀਵਾਲ ਦੀ 2-2 ਜ਼ੈੱਡ ਪਲੱਸ ਸਕਿਉਰਟੀ ‘ਤੇ ਪਰਗਟ ਸਿੰਘ ਨੇ ਚੁੱਕੇ ਸਵਾਲ,ਗੁਜਰਾਤ ‘ਚ ਆਟੋ ‘ਚ ਬਹਿ ਕੇ ਜਾਣਾ ਡਰ

ਚੰਡੀਗੜ੍ਹ: ਸਾਬਕਾ ਕਾਂਗਰਸੀ ਮੰਤਰੀ ਪਰਗਟ ਸਿੰਘ ਨੇ ਦਿੱਲੀ ਦੇ ਮੁੱਖ ਮੰਤਰੀ ਅਤੇ ਆਪ ਸੁਪਰੀਮੋ ਅਰਵਿੰਦ ਕੇਜਰੀਵਾਲ ਦੀ ਸੁਰੱਖਿਆ ਨੂੰ ਲੈ ਕੇ ਸਵਾਲ ਚੁੱਕੇ ਹਨ। ਉਨ੍ਹਾਂ ਕੇਜਰੀਵਾਲ ਦੇ ਗੁਜਰਾਤ ‘ਚ ਆਟੋ ‘ਚ ਬਹਿ ਕੇ ਜਾਣ ‘ਤੇ ਤਨਜ਼ ਵੀ ਕੱਸੇ।ਉਨ੍ਹਾਂ ਕਿਹਾ ਕਿ ਕੇਜਰੀਵਾਲ ਜੀ ਪੂਰੇ ਦੇਸ਼ ‘ਚ ਇਹੋਜੇ ਪਹਿਲੇ ਬੰਦੇ ਨੇ ਜਿਨ੍ਹਾਂ ਨੇ 2-2 ਜੈਡ ਪਲੱਸ ਸਕਿਉਰਟੀਆਂ ਰੱਖੀਆਂ ਹੋਈਆਂ ਹਨ। 

ਪਰਗਟ ਸਿੰਘ ਨੇ ਸੋਸ਼ਲ ਮੀਡੀਆ ‘ਤੇ ਇਕ ਪੋਸਟ ਸ਼ੇਅਰ ਕੀਤੀ ਅਤੇ ਲਿਖਿਆ, “ਕੇਜਰੀਵਾਲ ਜੀ ਪੂਰੇ ਦੇਸ਼ ‘ਚ ਇਹੋਜੇ ਪਹਿਲੇ ਬੰਦੇ ਨੇ ਜਿਨ੍ਹਾਂ ਨੇ 2-2 ਜੈਡ ਪਲੱਸ ਸਕਿਉਰਟੀਆਂ ਰੱਖੀਆਂ ਹੋਈਆਂ ਹਨ। ਇੱਕ ਸੈਂਟਰ ਤੋਂ ਅਤੇ ਦੂਜੀ ਪੰਜਾਬ ਤੋਂ। ਜਿੰਨਾਂ ਦਾ ਮਹੀਨੇ ਦਾ ਖਰਚਾ ਕਈ ਕਰੋੜਾਂ ਰੁਪਏ ਹੈ।”

ਉਨ੍ਹਾਂ ਅੱਗੇ ਕਿਹਾ, “ਕੇਜਰੀਵਾਲ ਜੀ ਦਿੱਲੀ ਵਿੱਚ ਸਰਕਾਰੀ ਖਜਾਨੇ ਚੋ ਹੁਣ ਤੱਕ 1.50 ਕਰੋੜ ਦੀਆਂ ਗੱਡੀਆਂ ਲੈ ਚੁੱਕੇ ਹਨ। ਹੁਣ ਵਾਲੀ ਗੱਡੀ ਉਹਨਾਂ ਦੀ 60 ਲੱਖ ਦੀ ਹੈ। ਨਾਲ ਹੀ ਪੰਜਾਬ ਸਰਕਾਰ ਦੀ ਇੱਕ 2 ਕਰੋੜ ਦੀ ਲੈਂਡ ਕਰੂਜਰ ਇਹਨਾਂ ਨੇ ਦਿੱਲੀ ਆਪਣੇ ਲਈ ਪੱਕੀ ਖੜ੍ਹਾ ਰੱਖੀ ਹੈ।”

ਪਰਗਟ ਸਿੰਘ ਨੇ ਕਿਹਾ, “ਜਦੋਂ ਪੰਜਾਬ ਕੁਝ ਘੰਟੇ ਲਈ ਆਉਂਦੇ ਹਨ ਤਾਂ ਇਹ ਪੰਜ ਤਾਰਾ ਹੋਟਲ ਚ ਕੁਝ ਘੰਟਿਆਂ ਦਾ ਲੱਖਾਂ ਰੁਪੱਇਆ ਉਡਾ ਕੇ ਜਾਂਦੇ ਹਨ ਖਾਣ ਪੀਣ ਤੇ।ਰੋਜ ਗੱਡੀਆਂ ਅਤੇ ਸੁਰੱਖਿਆ ਤੇ ਕਰੋੜਾਂ ਰੁਪਏ ਖਰਾਬ ਕਰਨ ਵਾਲੇ ਕੇਜਰੀਵਾਲ ਜੀ ਨੂੰ ਜਦੋਂ ਅੱਜ ਗੁਜਰਾਤ ‘ਚ ਆਟੋ ‘ਚ ਬਹਿ ਕੇ ਜਾਣ ਦਾ ਡਰਾਮਾ ਕਰਦੇ ਦੇਖਿਆ ਤਾਂ ਸੱਚਿਉ ਹਾਸਾ ਨਿੱਕਲ ਗਿਆ ।”

ਪਰਗਟ ਸਿੰਘ ਨੇ ਕਿਹਾ, ਕੇਜਰੀਵਾਲ ਨੇ ਆਪਣੀਆਂ ਕਾਰਾ ਲਈ ਹੁਣ ਤੱਕ ਕਰੀਬ 1.50 ਕਰੋੜ ਖਰਚਿਆ। ਉਸਦੀ RTI ਦੀ ਕਾਪੀ:-

ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ ‘ਤੇ ਵੀ ਫੋਲੋ ਕਰ ਸਕਦੇ ਹੋ।

ਇਹ ਵੀ ਪੜ੍ਹੋ:

Goat Price: ਮੌਲਵੀ ਨੇ ਕਹੀ ਐਸੀ ਗੱਲ ਕਿ ਰਾਤੋ-ਰਾਤ ਬੱਕਰੇ ਦੀ ਕੀਮਤ 16 ਹਜ਼ਾਰ ਤੋਂ 25 ਲੱਖ ਰੁਪਏ ਹੋਈ, ਜਾਣੋ ਪੂਰਾ ਮਾਮਲਾ