‘ਕੈਰੀ ਆਨ ਜੱਟਾ 3’ `ਚ ਬਿਨੂੰ ਢਿੱਲੋਂ ਦੇ ਪੁੱਤਰ ਦਾ ਕਿਰਦਾਰ ਨਿਭਾਵੇਗਾ ਸ਼ਿੰਦਾ ਗਰੇਵਾਲ, ਦੇਖੋ ਵੀਡੀਓ

Shinda Grewal Plays Binnu Dhillon’s Son In Carry On Jatta 3: `ਕੈਰੀ ਆਨ ਜੱਟਾ 3` ਦੀ ਸ਼ੂਟਿੰਗ ਲੰਡਨ ਵਿੱਚ ਚੱਲ ਰਹੀ ਹੈ। ਅੱਜ ਯਾਨਿ 17 ਸਤੰਬਰ ਨੂੰ ਸ਼ੂਟਿੰਗ ਦਾ 9ਵਾਂ ਦਿਨ ਹੈ। ਇਸ ਦੌਰਾਨ ਫ਼ਿਲਮ ਦੀ ਸਟਾਰ ਕਾਸਟ ਖੂਬ ਮਸਤੀ ਕਰਦੇ ਨਜ਼ਰ ਆ ਰਹੀ ਹੈ। ਇਸ ਦੌਰਾਨ ਇਹ ਗੱਲ ਸਾਹਮਣੇ ਆਈ ਹੈ ਕਿ ਗਿੱਪੀ ਗਰੇਵਾਲ ਦੇ ਬੇਟੇ ਸ਼ਿੰਦਾ ਇਸ ਫ਼ਿਲਮ `ਚ ਬਿਨੂੰ ਢਿੱਲੋਂ ਦੇ ਪੁੱਤਰ ਦਾ ਕਿਰਦਾਰ ਨਿਭਾ ਰਹੇ ਹਨ। ਸ਼ਿੰਦੇ ਦੇ ਕਿਰਦਾਰ ਦਾ ਨਾਂ ਕੀ ਹੋਵੇਗਾ, ਫ਼ਿਲਹਾਲ ਇਸ ਦਾ ਖੁਲਾਸਾ ਨਹੀਂ ਹੋ ਸਕਿਆ ਹੈ।

ਕੈਰੀ ਆਨ ਜੱਟਾ ਦੇ ਅਧਿਕਾਰਤ ਸੋਸ਼ਲ ਮੀਡੀਆ ਪੇਜ ਤੇ ਇੱਕ ਵੀਡੀਓ ਸਾਂਝਾ ਕੀਤਾ ਗਿਆ ਹੈ। ਜਿਸ ਵਿੱਚ ਬਿਨੂੰ ਢਿੱਲੋਂ ਤੇ ਸ਼ਿੰਦਾ ਗਰੇਵਾਲ ਮਸਤੀ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਬਿਨੂੰ ਸ਼ਿੰਦੇ ਨੂੰ ਪੁੱਛਦੇ ਹਨ ਕਿ ਅੱਜ ਸ਼ੂਟਿੰਗ ਦਾ ਕਿੰਨਵਾਂ ਦਿਨ ਹੈ। ਇਸ ਤੇ ਸ਼ਿੰਦਾ ਜਵਾਬ ਦਿੰਦਾ ਹੈ “9ਵਾਂ ਦਿਨ”। ਇਸ ਦੇ ਨਾਲ ਹੀ ਵੀਡੀਓ `ਚ ਬਿਨੂੰ ਢਿੱਲੋਂ ਨੂੰ ਕਹਿੰਦੇ ਹੋਏ ਸੁਣਿਆ ਜਾ ਸਕਦਾ ਹੈ ਕਿ ਫ਼ਿਲਮ `ਚ ਉਹ ਸ਼ਿੰਦੇ ਦੇ ਡੈਡੀ ਦਾ ਕਿਰਦਾਰ ਨਿਭਾ ਰਹੇ ਹਨ। 

ਕਾਬਿਲੇਗ਼ੌਰ ਹੈ ਕਿ ਕੈਰੀ ਆਨ ਜੱਟਾ ਦਾ ਦੂਜਾ ਭਾਗ 2018 `ਚ ਆਇਆ ਸੀ। ਇਸ ਵਿੱਚ ਗਿੱਪੀ ਗਰੇਵਾਲ, ਸੋਨਮ ਬਾਜਵਾ, ਬਿਨੂੰ ਢਿੱਲੋਂ, ਜਸਵਿੰਦਰ ਭੱਲਾ ਮੁੱਖ ਭੂਮਿਕਾਵਾਂ `ਚ ਨਜ਼ਰ ਆਏ ਸੀ। ਇਸ ਵਾਰ ਵੀ ਸਟਾਰ ਕਾਸਟ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਇਹ ਫ਼ਿਲਮ ਨੂੰ ਸਮੀਪ ਕੰਗ ਡਾਇਰੈਕਟ ਕਰ ਰਹੇ ਹਨ। ਜਿਨ੍ਹਾਂ ਨੇ ਕੈਰੀ ਆਨ ਜੱਟਾ ਦੇ ਪਹਿਲੇ ਦੋ ਭਾਗ ਡਾਇਰੈਕਟ ਕੀਤੇ ਹਨ। ਦਸ ਦਈਏ ਕਿ ਕੈਰੀ ਆਨ ਜੱਟਾ 3 29 ਜੂਨ 2023 ਨੂੰ ਸਿਨੇਮਾਘਰਾਂ `ਚ ਰਿਲੀਜ਼ ਹੋਵੇਗੀ। ਇਸ ਫ਼ਿਲਮ ਨੂੰ ਪੰਜਾਬੀ ਦੇ ਨਾਲ ਨਾਲ ਹਿੰਦੀ, ਤਾਮਿਲ, ਤੇਲਗੂ ਤੇ ਹੋਰ ਦੱਖਣੀ ਭਾਸ਼ਾਵਾਂ `ਚ ਵੀ ਡੱਬ ਕੀਤਾ ਜਾਵੇਗਾ।